काठमाडौं । सत्तारुढ दल नेपाल कम्युनिष्ट पार्टी (नेकपा) को चियापानमा ५० हजारलाई निमन्त्रणा गरिएको छ । तत्कालिन नेकपा एमाले र नेकपा माओवादी केन्द्र एकता पश्चात पहिलो पटक एकसाथ शनिबार हुने दशैं, तिहार र छठको अबसरका शुभकामना तथा चियापान समारोहका निम्ती ५० हजार जनालाई आमन्त्रण गरिएको नेकपाले जनाएको छ ।
चियापान तयारीबारे आज नेकपाका महासचिव तथा चियापान समारोह समितिका संयोजक विष्णु पौडेल, स्थायी कमिटी सदस्य योगेश भट्टराईले भृकुटीमण्डपस्थित चियापान स्थलको निरीक्षण गरेका छन् । चियापान कार्यक्रम दिउँसो १२ बजेदेखि ५ बजेसम्म हुनेछ ।
दिउँसो १२ देखि ३ बजेसम्म पार्टीका कार्यकर्ता र सर्वसाधारण ३ बजेदेखि ५ बजेसम्म विशिष्ट अतिथिको लागि समय छुट्टाइएको छ । चियापान कार्यक्रमलाई व्यवस्थित बनाउनकाे निम्ती ३ सय स्वयंसेवक परिचालन गरिने नेकपाले जनाएको छ
