फ्रान्सका नेपाली संघ संस्थाहरु द्वारा “कोभिड १९ संयुक्त सहयोग समिति” गठन

फ्रान्समा रहेका ११ ओटा नेपाली सँस्थाहरु र फ्रेन्च लेजिओं आर्मी सम्मिलित “कोभिड-१९ संयुक्त सहयोग समिति फ्रान्स” गठन गरिएको छ।

फ्रान्समा केहि सँस्थाहरुले छुट्टा छुट्टै रुपमा राहत वितरण गरिरहेको अवस्थामा लकडाउनको अवधी बढेको र समस्याहरु अझै जटिल बन्ने देखिएपछि संयुक्त समितिको महसुस गरीएको थियो। आइतवार प्रकाशित सूचनामा फ्रान्स सरकारबाट प्राप्त गर्न सकिने सेवा सुबिधा र कलेज र बिश्वबिद्यालय संग सम्बन्धित नयाँ बिद्यार्थी साथीहरुलाई भाषागत लगायत तमाम समस्याहरुलाइ मध्यनजर गर्दै संयुक्त प्रयास गर्न लागिएको बताइएको छ। सूचनामा यसअघि पहिलो चरणमा केहि सहयोग गरिसकेका र अहिले सहयोग गर्दै आइरहेका अन्य केहि संघ संस्थाहरुलाइ धन्यवाद दिइएको छ। समितिको संरक्षकत्व नेपाली राजदुतावास फ्रान्सले गर्ने छ।

संयुक्त सहयोग समितिलाइ प्रभावकारी बनाउन बिभिन्न संघ सँस्थामा आबद्वहरु सदस्य रहने गरि उपसमितिहरु गठन गरिएको छ। हालको लागि ६८०१ युरोको आर्थिक कोष स्थापना गरिएको छ साथै यस सहयोग कार्यमा सबैले स्व-इच्छाले आर्थिक सहयोग गर्न सकिने जानकारी दिइएको छ।

आइतार प्रकाशित सूचना :