सेवा नै धर्महो भन्ने मुख्य नाराका साथ स्थापित नेपाल लक्जम्बर्ग लोक कल्याणकारी संस्थाले आफ्नो पाँचौं बार्षिकउत्सव समारोह यहि २५ नोभेम्बर २०१८ का दिन लक्जम्बर्गमा बिभिन्न संकृतिक कार्यक्रमहरु गर्दै सम्पन्न भएको छ । यस पटकको कार्यक्रममा चर्चित नेपाली कलाकारहरु सकुन्तला थापा र आर सी सापकोटाको बेजोड प्रस्तुति र साथमा स्थानीय कलाकारहरुको पनी प्रस्तुति थियो ।
कार्यक्रममा प्रमुख अतिथि एन आर एन ए अन्तरास्ट्रिय समन्वय परिषदका (ICC) सदस्य हरि बहादुर खत्री हुनुहुन्थ्यो भने बिशेष अतिथिहरुमा एन आर एन ए लक्जम्बर्गका अध्यक्ष नारायण गुरुङ, लोक गायिका सकुन्तला थापा र लोक गायक आर के सापकोटा हुनुहुन्थ्यो । कार्यक्रमको संचालन संस्थाका सचिव राजन सापकोटाले गर्नु भएको थियो।
कार्यक्रमकै क्रममा २०१८ – २०२० को लागि नया कार्यसमिति गठन भएको छ । नव गठित कार्यसमितिको अध्यक्षमा पुनः रमाकान्त सापकोटा, उपाध्यक्षमा युधा बहादुर थापा, सचिवमा पुनः राजन सापकोटा र कोषाध्यक्षमा खिमलाल पन्थी सर्वसम्मत हुनु भएको छ ।
संस्थाका अध्यक्ष रमाकान्त सापकोटाले कार्यक्रम सफलताका साथ सम्पन्न गर्न सहयोग गर्नुहुने, उपस्थित हुदैं कार्यक्रमको शोभा बढाइदिनुहने सम्पूर्ण संघ संस्थाका पदाधिकारीहरु तथा लक्जम्बर्गबासी नेपालीहरूलाइ धन्यबाद दिदै कार्यक्रम समापन गर्नु भएको थियो ।
